من أشعار ودواوين الشاعر على سلامة

اشعار ودواوين على سلامه شاعر العاميه المصريه
اشعار ودواوين على سلامه شاعر العاميه المصريه

علي سلامة

وعلي سلامة لمن لا يعرفه شاعر جامد قوي
قصائده بالعامية

ويارب تعجبكم زي ما أبهرتني أشعاره ببساطتها
وخفة دمها ولعبها على الوتر الحساس
ودى قصيدة

خايف أصحى مالاقيش مصر


ساعات باقلق بالليل

يعني بالليل شوية كده

قبل الفجر

حسب الظروف كده
بعد العصر

خايف يوم أصحي

وأفتح الشباك

مالاقيش مصر


ألاقيها لمت هدومها ومشيت

لمت هدومها

علي نيلها

علي هرمها

وطفشت
وحلفت ميت يمين ماهي قاعدلنا

ماهي زهقت

تعبت

إتخنقت

أصلنا زودناها

أكننا استعمرناها

ورثناها


مصر البنوتة الحلوة

اللي زي القمر

بقت عجوزة وشايبة

وبان عليها الكبر


خايف يوم أصحي

وأفتح الشباك


مالاقيش مصر


يارب الموضوع يعجبكم