بنتك بتكلم ولد..بدل ماتقولى ياخسارة تربيتى فيكى..اعرفى الحل

الام اللي بتكتشف ان بنتها بتكلم ولد

وبتقعد تعدد علي تربيتها وتقعد تذل بنتها وتقولها يا بتاعة الشباب

ولو بنتها غلطت او عصت اوامرها تقولها اصلك مش نافعه غير في الكلام مع الشباب

اصلك مش عارف ايه

وتقعد تقول يا خبتي القويه فيكي يا خسارة تربيتي فيكي وتعبي عليكي


وتفضلي طول عمرك تذلي في بنتك وخلاص وكمان تقوليلها منتيش رايحه المدرسه تاني

وهاخد من الموبايل وكمان مش هتقعدي علـ النت

لاء ومش كفايه انتي هتقعدي هنا خدامه تخدمينا

لاء وايه وتشوفلها اي جوازه كده والسلام ولو موفقتش تبقي ليلتها سوده

عملتي ده كله ومفكرتيش تحلي الموضوع بعقل مفكرتيش تصاحبي بنتك وتحتويها
وتتكلمي معاها وتعرفي ايه اللي جواها وايه اللي خلاها تعمل كده

تعرفي باللي انتي هتعمليه ده كله انك انتي ممكن تضيعي بنتك من ايدك

ممكن تعمل حاجات افظع من انها تكلم ولد وانتي ولا داريانه حتي لو كنتي حبساها في البيت

عمرك فكرتي هي ليه البنت بتكلم ولد

عارفه لو فكرتي للحظه واحده بس هتلاقي كذا سبب وفي الاخر هتلاقي ان العيب من مامتها وباباها


ايه الاسباب اللي تخلي البنت تكلم ولد

اولا:

لما يكون مفيش رقابه عليها ومامتها وباباها سايبين لها السايب في السايب

وميكنش فيه توعيه دينيه ولا فيه اقتداء بامهات المؤمنين وسلوكياتهم

ثانيا:

لما البنت متلاقيش الحنان في بيتها اكيد بتدور عليه بره

بتدور علي حد يحسسها بكيانها وذاتها

بتدور علي حد يقوللها كلمه حنينه بتدور علي حد يفهمها
يكون قريب منها

بتدور علي حد تشكيله ويحس بيها وباللي جواها حد تحكيله

حد يحس بانوثتها


طب ياتري ايه الحل

الحل بسيط جدا وفي ايديكوا

انكوا تحبوا بناتكوا حسسهوهم انكوا اصحابهم مش امهاتهم

حسسوهم بالامان وهما في حضنكوا

وفرولهم قدر كافي من الحب والحنان احتووهم

خلوا فيه رقابه عليهم اتعرفوا علي صحباتهم
احكولهم قصص عن امهات المؤمنين وخلوهم يقتدوا بيهم

ده بالنسبه لدور الام

ياتري ايه دور الاب

دور الاب انه يحسس بنته بانوثتها

يعني لو لابسه طقم حلو حتي من وهي صغيره يقوللها ايه الجمال ده انتي احلي بنوته

ايه الطقم الحلو ده ذوقك حلو اوى انتي بنوته شيك

عشان يشبع رغبتها في السماع للكلام الحلو عشان متلجأش بره