حدوتة حلوة أوي للاطفال حدوتة الطاووس والبغبغان بجد حلوة اوي حدوتة حلوة أوي للاطفال حدوتة الطاووس والبغبغان بجد حلوة اوي
حدوتة حلوة أوي للاطفال حدوتة الطاووس والبغبغان بجد حلوة اوي
حكايه الطاووس الننوس وصديقه البغبغان طاطا
ولكن ياحبايبى الحلوين قبل مانقول اى كلام لازم نقول كان
ياما كان ميحلاش الكلام الا بذكر النبى عليه افضل الصلاة والسلامكان فى غابه كبيرة وفيها طيور وحيوانات كتيرة كتيرة وكانو عايشين مع بعض فى سلام وامان
وفى يوم من الايام كانوا قاعدين مع بعض فى امان ومبسوطين
فقال لهم ارنوب ايه رأيكم كل وحد فينا يقول ايه هى الحاجات
الحلوة اللى ربنا انعم علينا بيها
قالوا ماشى يانبنب ضحك ارنوب ههههههه وقالهم نبدأ بمين ياترى؟؟
يالا انتى قوليلنا يابطوطه
ايه الحاجه الحلوة اللى فيكى قالت البطه بطوطه
ان الناس بتحبنى وربنا خلقنى علشان أبيض والناس
تستفيد هههههههه شوفت بقى انا مهمه عند الناس ازاى
وبعدن سألت البطه بطوطه باقى الطيور الموجودة
وكل وحد فيهم قال صفاته الجميله اللى ربنا اعطهالوا
وجاء دور البغبغان طاطا
فسالته الطيور وقالتلوا انتا بقى ياطاطا
ياللا قول
قال لهم انا بقى ربنا اعطانى من الجمال
كتير كتير وكمان ذكاء كتير كتير
وبعرف اتكلم واقلد كل الاصوات
شفتوا بقى الحمد لله على
النعم الذى انعم عليا بها الله
وفجأة الطاووس الننوس اتخض من كلام البغبغان
طاطاوقال
هههههههههه هههههههه انت اكيد بتهزر وراح
الطاووس الننوس بكل غرور واستهزاء يقول
ياحلولى ياحلولى مين دة اللى اجمل منى انتوا مش
شايفينى مش شايفين جمالى شوفوا ريشى وشوفوا الوانى
وجمالى ياحلولى ياحلولى
طبعا كل اصدقائه استغربوا وزعلوا أوى أوى منه وراح سايبهم
وماشى، حزن البغبغان طاطا وزعل خالص مالص
وطبعا محدش عجبه ابدا ابدا الكلام وقرره انهم لازم يعملوا
حاجه علشان الطاووس الننوس يبطل الغرور وقعدوا مع بعض
متجمعين يفكروا فى فوكيرة علشان يتعلم منه
ياترى ايه الفوكيرة ياكتاكيت اممممممم استنوا
معايا اوعوا تناموا لما تعرفوا باقى الحكايه
وبعدين اتفقوا مع بعض انهم ميكلموش الطاووس الننوس
علشان يحس بغلطه ويعتذر لصديقه البغبغان طاطا
ومر يوم وجاء يوم جديد وماشى الطاووس الننوس
علشان يروح لباقى الاصدقاء علشان يلعبوا معاة
طبعا محدش رضى ابدا انه يلعب معاه زعل خالص ننوس
ياعينى ومش لاقى حد يتكلم ولا يلعب معاه
وقعد مع نفسه حاسس انه مش عارف يعيش
من غير الاصدقاء وحس ان غلط فيهم قرر انه يعتذر
للاصدقاء ويقولهم انا اسف بجد اسف راحوا الاصدقاء
قالوا احنا زعلانين منك علشان انت مغرور وكمان زعلت طاطا
واحنا حبينا انك تتعلم انك تبطل غرور والحمد لله انك
عرفت غلطتك واعتذرت واحنا كلنا بنحبك يا ننوس
ورجعوا مع بعض فى تبات ونبات
وبقى ننوس طاوس جميل وكل اصدقائه بتحبوا
ولكن من غير غرور
وتوته توته خلصت الحدوته
اتمنى متكونشى ملتوته
يارب تكون عجبتكو الحدوتة وتعجب اطفالنا
اهلا وسهلا بكـ , لديك: 0 مساهمة .
آخر زيارة لك كانت في : . 
الجنس
الثلاثاء يونيو 12, 2012 11:30 pm
